شرح موضوع تقييد عرض الاعلانات على جوجل ادسنس

كيفية حل مشكلة تقييد عرض الاعلانات في جوجل ادسنس

موضوع تقييد عرض الاعلانات عامل بالظبط زى موضوع ادسنس اربيتراج
من حيث الابهام الدائر حوله مع ان جوجل موضح كل شىء بالتفصيل
جوجل موضح انه بيقبل جميع انواع الزيارات من اى مكان ولا غضاضه او تنمر ضد اى مصدر زيارات مهما كان لكن بشروط يجب الالتزام بها لتحقيق المعادله النهائيه القائم عليها برنامج الشراكه مع جوجل
هذه المعادله ببساطه هى إرضاء المعلنين اولا واخيرا + ارضاء الزائر + الالتزام بما ورد فى إرشادات الجوده من مشرفى المواقع






جوجل بيقولك ان من حقك تشترى زوار من اى مكان مع التنبيه على دوام مراقبه هذه المصادر ومعرفه مدى جودتها والتزامها ونوعيه الزوار وسلوكهم
( المحتوى المطلوب هو الملك ) يعنى انت بتجيب زائر مستهدف يحتاج فعلا الى هذا المحتوى فلازم يكون لك مكان ضمن نتائج البحث لتسهيل وصول هذا الزائر اليك او لازم تكون محترف اعلانات ادورد او فيسبوك او اى شبكه اعلانيه اخرى لكى تحقق هذه المعادله

جميع الشروحات الموجوده عن ادسنس اربيتراج هى شروحات للواجهه الاماميه فقط وإخفاء تام للواجهه الخلفيه المكمله لهذا النظام
بمعنى ان هو بيقولك روح اشترى زوار من اعلانات فيسبوك بسعر رخيص علشان يدخلو على اعلانات ادسنس فانت تكسب فرق السعر الكبير بينهم
فحضرتك تروح تعمل الشرح ده فتلاقى ان مفيش ارباح او بتلاقى نفسك خسرت او مبتعرفش تعمل اعلان متكامل فتلاقى حسابك اتقفل لعدم استهدافك الزائر الملائم والمستهدف والصحيح

زمان ايام الهيصه وقبل التدقيق الموجود حاليا كان فى حسابات كتير بتتقفل ايضا لان الهيصه بتطلع غلطات واخطاء عفويه وغير محسوبه وكنا بنشوف اعلانات الفيسبوك بتاعه الاربيتراج منتشره جدا وشغالين نار وناصحين وكان معظمهم اجانب بالمناسبه. طب ايه الحكايه وايه الفرق بين زمان ودلوقتى

لم يكن الاعتماد قاصرا على زيارات من اعلانات فيسبوك فقط لاء
كان فى مئات الشبكات الاخرى بدايه من من موقع fans2cash اللى غير الاسم والدومين الى timebucks من كثره الحظر اللى حصل معاه من فيسبوك وتويتر وجوجل بلس ايامها وهو قائم على البونص من المشاهدات Bonus-per-View يعنى المشترك يشوف ال 10 صفحات ويكسب بنسات بونص
وغيرها كتير بنفس النظام وباقى انظمه الاعلانات الاخرى للارباح السريعه
work from home jobs


nice bonus, paid to click, PTC sites, Bonus-per-View
Neobux
Clixsense
timebucks
ySense
OfferNation
Get-Paid
Gift Hunter Club
Paidviewpoint
RewardingWays
واكيد معظمنا فاكر وعارف هذه المواقع وهذه الانظمه للربح البسيط اوى لكنه سريع وملائم للشخص طويل البال اللى عنده صبر واستمراريه وفراغ
فعلشان تشتغل صح على اربيتراج لازم تستهدف صح وتعمل تنويع شامل للزيارات لتحقيق المعادله وتغطيه الموضوع من جميع الجوانب بحيث يظهر تحليلات تقارير الاداء انها زيارات متنوعه واكثرها متفاعل بشكل طبيعى يعنى مثلا لو 50 الف زياره منهم 10 الاف عشوائى + 20 الف نقرات غير مكتمله + 20 الف نقرات مكتمله ومتفاعله يبقى كده تمام ومقبول وناجح بناء على التريند الرائج او افضل اهتمامات معظم الزوار
انما 50 الف زياره منهم 30 الف عشوائى و10 الاف نقره غير مكتمله + 10 الاف نقره مكتمله يبقى فى شىء غير طبيعى وغير مقبول وفاشل لانه لم يغطى او يحقق المعادله المطلوبه استهداف هشوائى بدون اهتمامات

شاهد ايضا: كيفيه تنشيط المحتوى القديم وكسب زوار جدد مستهدفين
شرح الإكمال التلقائى على بحث جوجل وباقى محركات البحث

جوجل ممكن يتغاطى لو تحليل الاداء فيه نص حلو ونص وحش او الاغلبيه حلو وشويه وحش ماشى لكن معظمه وحش او الاغلبيه وحش وغير مستهدف لاء بيلسع على طول وبدون تحذير ولا حتى تنبيه ولو انت بيجيلك زيارات عدائيه او كيديه من مصادر مقرفه عملها المنافس ممكن تتفادى المشكله دى بانك تغطى النسبه الاعلى من زيارات طبيعيه مستهدفه تكون اعلى من نسبه الزيارات الكيديه وده بيحصل للمواقع وقنوات اليوتيوب باستمرار

نفس الشىء تقريبا ينطبق على موضوع تقييد عرض الاعلانات
( المحتوى المطلوب هو الملك ) وليس المحتوى المكرر او المنسوخ او الغير مطلوب او العشوائى وبما انك بتعرض اعلانات على صفحات محتوى فلازم يكون هذا المحتوى معمول بناء على دراسه وتحليل وفهم طلبات جمهورك الاساسى ضمن تخصصك ومجالك لكى تضمن تحقيق هذه المعادله قدر المستطاع ( رغبات المعلن + طلبات الزائر + ارشادات الجوده )

جوجل بصفتها شركه ربحيه استولت على نصيب الاسد من حصه ارباح الاعلانات على الانترنت فهى تستطيع الان الاستغناء عن جميع الناشرين فى جميع المواقع والاكتفاء بارباح اليوتيوب ( اغلى منتدى اجتماعى فى العالم )
ومع الابقاء ايضا على الاسماء الكبيره المليونيه فى عالم التدوين والاخبار

ومع ذلك فهى مثل التاجر الذى يسعى الى الاستحواذ على كل شىء مهما كان صغيرا او كبيرا فلا مشكله من حذف او تقييد ملايين الاعلانات على ملايين المواقع لحين تحقيق المعادله والالتزام بالحد الادنى المقبول
وطبقا لهذه النظريه استحاله جوجل تضع تقييد لعرض الاعلانات دون دراسه او تحليل صارم لاداء هذه المواقع ومهما كنت مقتنع ان شغلك مظبوط وتمام ولا يوجد به اخطاء فمن الواجب عليك مراجعه اعمالك واساليب شغلك ووضع خطه عاجله لاصلاح هذه المشكله وتتعب شويه علشان التقييد يتشال فى اسرع وقت ممكن وتتاكد انه لا يعود التقييد مره اخرى

تقييد عرض الاعلانات بسبب مخاوف من ظهور زيارات غير صالحه
الحل الوحيد والدائم هو مراجعه المحتوى وجعله ملائم لطلبات زوار البحث المجانى وملائم ايضا لطلبات المعلنين
ابسط طريقه لتحقيق هذه الملائمه هو الاعتماد بشكل اساسى على كلمات تم استخراجها من اداه كيورد بلانر الخاصه بالمعلنين على شبكه جوجل وتعمل مقالات متخصصه عن هذه الكلمات وبالتدريج سيتحقق الملائمه والالتزام يؤدى الى رجوع الاعلانات مره اخرى
الالتزام بكلمات تم تضمينها واعتمادها فى المخزون الاعلانى لشبكه اعلانات جوجل هى الاقرب والاسهل لكى تكون ملائمه للشبكه العامه للانترنت على اعتبار ان جوجل هو الانترنت لضمان استمرار ارباحك ووجودك كناشر صالح فى عالم متغير بسرعه كل ثانيه عن الاخرى لتفادى اى مفاجات ( فجأه ظهر تحديث الحساسيه ضد انواع المحتوى الطبى + فجأه ظهر نظام لمنع اعلانات البوب على كروم + فجأه اجبارك على تسريع الموقع لتتماشى مع اعلانات الجوال + فجأه منع محتوى الاطفال من تحقيق الدخل من الفيديو ) فلازم تكون جاهز لاى مفاجأه وتحصن شغلك بمحتوى عالى الجوده يضع الزبون فى اعلى اهتماماتك