شرح اهميه الروابط الداخليه لتحسين المواقع

بناء الروابط الداخلية (Internal Links) لتسحين موقعك
الروابط الداخليه هى عواميد النور التى تضىء الطريق للزائر حتى يصل الى المعلومه والاجابه الشامله التى بحث عنها وهى ايضا تنبيه لعناكب جوجل بتعرفهم ان انا متخصص فى الاثاث المستعمل كمثال بدليل انى كونت شبكه مترابطه كلها تتحدث عن الاثاث المستعمل حتى ادخل وشوف هتلاقى عندى غرف نوم جميله وصالونات وانتريهات ومطابخ وكمان عندى نصايح كتير تاخد بايد الزائر الباحث عن الوان واشكال واماكن اجمل غرف نوم اقدر اوفرها فالعناكب بتقولك متشكرين جدا على تعبك انت فعلا تستحق ان اكبر مجموعه من الناس تدخل تزورك وانت هتبقى من ضمن العشره الاوائل ونعترف بيك كمتخصص فى مجالك والكلمات الرئيسية ذات الصله
بناء الروابط الداخلية (Internal Links) لتحسين موقعك, ما هي الروابط الداخلية ومدى أهميتها في تحسين ترتيب الصفحة على محرك البحث





طبعا ده كمثال على نوعيه مواقع الويب المتخصصه والتى اكتسبت ثقه عناكب جوجل كتخصص جدير بالاحترام والثقه

انما لو مفيش روابط داخليه يبقى النور مقطوع والموقع مضلم والزائر هيجرى يدور على موقع تانى منور وكمان العناكب ستتوقف عن زياره موقعك لانه مضلم

شاهد ايضا: شرح اهميه ظبط الروابط الداخليه لتسهيل الوصول لجميع المحتوى

فى عام 2011 و2012 ولحد تقريبا 2014 كنت مهتم جدا انى اخلى رقم موبايلى يبقى براند مع كلمات رئيسيه محدوده وشديده التخصص تهتم فقط بفئه قليله من فئات المجتمع وعدد سكان محدد اقدر استفيد منه واخدمه

فى الوقت ده كان موقع MOZ - SEO Software for Smarter Marketing هو ضمن اشهر المواقع فى مجال تحسين محركات البحث وكان الموقع ده فى ميزه انه بيخلى ناس كتيره من الخبراء تكتب فيه مواضيع من واقع خبرتها وكنت بستفيد جدا منه واطبق اللى اتعلمه علشان اقدر اوصل لهدفى لكن كان ليا ملاحظه عليه وهى انه كان يضع روابط داخليه بطريقه فظيعه يمكن بين كل سطر وسطر 3 او 4 روابط داخليه تخيل كل 5 او 6 كلمات تلاقى رابط داخلى يفتحلك سكه لمعلومه جديده طبعا انا مكنتش لسه قادر احدد هل ده صح ولا غلط لانى كنت لسه فى البدايات
مش بس كده لاء moz كان يضع فى تذييل اى موضوع حوالى 20 او 30 رابط خارجى لمواقع خارجيه يستشهد بيها فى كل جمله مكتوبه كتوثيق على كلامه

كانت النتيجه ان موقع moz اصبح بالنسبه لى موقع مليان عواميد نور مضيئه
طبعا كنت بستخدم ترجمه جوجل علشان افهم وكان فى حاجه مضحكه فى الترجمه ان الترجمه بدل ما تقول ان الموقع اسمه موز مثلا كانت بتقول انه اسمه غاده عادل

بعد التعليم والفهم قدرت على الاقل اوصل لهدفى وهو ان رقم موبايلى مرتبط بمجال شغلى اصبح براند بحوالى 1500 نتيجه بحث وهذا هو المطلوب بالنظر الى نشاط تجارى محلى شديد الاستهداف

طبعا موقع moz حاليا قلل جدا من عدد الروابط الداخليه والخارجيه داخل المواضيع يمكن لانه هو كمان وصل لهدفه واصبح براند عالمى

انت كمان تقدر تحط هدف ليك وتقدر توصله من خلال تكوين شبكه انترنت داخليه متصله جميعا بدون قطع او كسر وتقدر كمان ترفع من ترتيب صفحتك الرئيسيه بأن تضع رابط نصى لها ضمن جميع مواضيعك هيساعد بشكل فعال لان صفحتك الرئيسيه تنمو وتتطور

اوعى تقطع النور عن نفسك ابدا وخلى دايما موقعك مليان عواميد نور مضيئه
وصدقنى مفيش طريقه لسريع الارشفه بشكل فعال وسريع غير توصيل الاسلاك ببعضها وتوصيل الروابط ببعضها. حط الفيشه وظبط المشترك علشان النت والكمبيوتر والسماعه كل حاجه ليها فيشه ولازم تتوصل بالمشترك علشان تقدر فى النهايه تشوف وتفهم المغزى الحقيقى لمنشورى هذا